大陸真係可以用怪事日日有黎形容,有一位大陸女子張玲(化名)係重慶派出所度知道自己比人呃咗5300蚊現金,大驚之下竟然聽騙徒講倒可樂落部ATM度。

事緣就係張玲有一日係屋企湊細路嘅時候,收到詐騙電話,電話同佢講佢有電話費未交,張玲比個電話嚇咗一嚇,結果就過咗5300人民幣比對方。係事後佢越諗越唔對路想拎返,騙徒叫佢拎可樂倒入度ATM度就會還返錢比佢,點知佢又真係照做。

張玲當時就收到電話,對方同佢講佢差聯通公司電話費,有可能係身分資料被洩露,所以就提供咗「北京公安局」嘅電話,叫佢打過去查下。點知「北京公安局」一字不漏地講出佢個名、身分證號碼、電話,要佢過錢去指定戶口。

張玲一驚之下,將兩張銀行卡入面嘅5300蚊人仔轉咗比對方,第二日佢又打比「北京公安局」,想拎返啲錢,對方竟然水佢去「買可樂倒入部ATM」,倒完之後部ATM會出張飛比佢,拎住張飛搵警察就拎得返啲錢。

呢個方法已經夠奇,而更奇嘅係張玲竟然信到十足,真係係屋企拎可樂去倒,但ATM就無飛出比佢,反而顯示故障,嚇到佢幾乎暈低。而佢之後就再打比「北京公安局」後,對方就話係佢倒唔夠可樂,結果佢又買咗更大枝可樂去倒,真係睇到人哭笑不得。

無諗到今次倒完可樂,張玲真係拎到張飛,但佢交比警察果時先知自己比人呃。但係由於銀行ATM比佢整壞咗,所以銀行都報咗案,所以禍不單行地,除咗她之前比人呃咗果5300蚊人仔之外,佢仲要比多60000蚊人仔作為兩部ATM嘅維修費。

小編:睇完呢篇新聞我終於明咩叫「受騙的那個 被騙徒更混帳」